Rentan í USA framvegis óbroytt

Amerikanski miðbankin heldur rentuna á 4,25-4,5 prosentum. Tað stendur í tíðindaskrivi.

Miðbankin hevur hildið rentuna á sama stigi meira enn fimm ferðir í ár, og tað dámar ikki amerikanska forsetanum, Donald Trump.

Trump hevur fleiri ferðir funnist at formanninum í miðbankanum, Jerome Powell, fyri ikki at lækka rentuna. Trump er enntá farin so langt sum at kalla Powell fyri "heilatóman."

Á einum tíðindafundi stutt undan fráboðanini frá amerikanska miðbankanum, gjørdi Trump aftur greitt, at hann vildi hava rentuna lækkaða, og dugdi ikki at skilja, hví hon ikki longu er lækkað.