Fleiri ung hava bráðfeingis tørv á hjálp

At ein vaksandi partur av ungum við rúsevnistrupuleikum mangla eitt stað at búgva, verður staðfest í einum áliti, sum ein arbeiðsbólkur handaði landsstýrisfólkunum í almanna- og mentamálum, heilsumálum og barna- og útbúgvingarmálum.

Seinastu árini hava fleiri ung við rústrupulleikum vent sær til Frelsunarherin og Herbergið, men møguleikarnir hjá teimum at hjálpa eru avmarkaðir.

Tí verður mælt til, at eitt tilhaldsstað til ung við rúsevnistrupuleikum verður sett á stovn. 

Talan skal verða um eitt tvørfakligt samstarv millum myndugleikar, har øll viðkomandi tilboð og hjálp kemur inn í tilhaldsstaðið og verður skipað í eina fasta legu.

Tilhaldsstaðið skal knýtast saman við RÓWT, sum er eitt tilboð til ung í aldrinum 18-30 ár, við víðfevndum sálarligum og sosialum trupulleikum, umframt rúsdrekka- og rúsevnistrupulleikum.

Álitið bleiv latið landsstýrisfólkunum í juni í ár, og málið liggur nú í politisku skipanini.

Hoyr samrøðuna við Magna Højgaard, leiðara í RÓWT: