Ráðgevi í Mat- og tilfeingishúsinum

Drós í Ólavsstovu er sett í starvið sum ráðgevi í nýggja Mat- og tilfeingishúsinum. 

Drós í Ólavsstovu er útbúgvin fiskivinnutøkningur og hevur eisini hægri útbúgving í matvørugóðsku og -trygd. Hon hevur drúgvar royndir sum sjálvstøðugur ráðgevi innan framleiðslu og góðskuskipanir á virkjum, sum menna matvørur, fóður og aðrar vørur úr fiski, kjøti og plantum.

Sum ráðgevi í Mat- og tilfeingishúsinum verður - sambært Uttanríkis- og vinnumálaráðnum - fremsta uppgáva hennara at menna  kveikjandi karmar fyri mat- og tilfeingismenning í góðum samstarvi við granskarasetrið iNOVA.

Drós í Ólavsstovu tekur við starvinum 1. september.