Leita eftir útlendingi, sum skal hava framt grovan harðskap

Politiið leitar eftir einum útlendskum manni, sum skal hava framt grovan harðskap í Havn.

Fráboðanin kom í gjár.

Men harðskapurin skal vera framdur móti einum føroyingi fyri nøkrum døgum síðani.

Tað skal vera hent í einum bústaði. 

Trupulleikin hjá politinum er, at maðurin, sum tað vil hava hendur á, er farin av landinum.

Roynt verður at fáa hann tiknan har, hann er.

Talan er eisini um frælsistøku umframt grova harðskapin, sigur politiið.