Hátíðardagur í Vesturkirkjuni - opið torn og orgulkonsert

Vesturkirkjan er hægsti bygningur í Føroyum, og 50 ára føðingardagur hennara verður hildin í fimm dagar. Hann byrjar í dag við hámessu, har fýra prestar og bispur luttaka. Eisini syngur Tórshavnar Kamarkór. Eftir kirkjugongdina verður opin kirkja, og høvi at síggja eina framsýning, sum er gjørd í sambandi við føðingardagin. Eisini kunnu fólk sleppa upp í tornið á kirkjuni, sum er hægsti bygningur í Føroyum. 
Í kvøld verður hátíðar-orgulkonsert við Ara Hammer Joensen og Jógvani Thomsen. 
Hátíðarhaldið heldur fram í vikuni, sum kemur.