Ov tíðliga at síggja ávirkan

Enn er ov stutt tíð liðin fyri at til ber at síggja fulla virknaðin av skattabroytingini, sigur Ruth Vang, landsstýriskvinna.

Skattabroytingin var gjørd fyri at rætta skipanina, sum gav útlendskum arbeiðsgevarum fyrimun framum føroyskar arbeiðsgevarar í kappingini um arbeiðsmegina, sigur Ruth Vang, sum hevur svarað spurningi frá Johan Dahl, løgtingsmanni.

Nú fáa fólk, sum arbeiða uttanlands, ikki longur so stóran skattligan fyrimun.

Johan Dahl spurdi eisini, hvussu nógvir føroyskir menn eru fluttir úr Føroyum higartil í 2025 samanborið við 2024.

Ruth Vang svarar, at í fyrra hálvári fluttu 284 menn úr Føroyum.

Hetta er nakað minni enn í fyrra hálvári 2024, 2023 og 2022.

Ruth Vang sigur, at um onkur flytur av landinum fyri at sleppa undan skatti, er avleiðingin fyri almennu inntøkurnar avmarkað, tí nógv teirra rinda ikki skatt í Føroyum kortini.

Men skattabroytingin ger tað meira lokkandi at arbeiða og rinda skatt í Føroyum, sigur landsstýriskvinnan.

Les alt svarið her.