Minni avkast og størri skuld, men fleiri starvsfólk og íløgur

Hóast stóru føroysku fyritøkurnar høvdu minni nettosølu, størri nettoskuld og minni avkast í fjør, hava fyritøkurnar fleiri starvsfólk, og íløgurnar eru øktar í árinum.

Tað vísir greining hjá grannskoðaravirkinum Januar um 2024.

Sølan er nærum óbroytt seinastu trý árini.

Tá hugsað verður um stóra prísvøksturin seinastu árini, kann vísast á, at sølan hjá stóru fyritøkunum er minkað, sigur Januar. 

Avkastið hjá feløgunum minkar eisini. Sølan er minkað 200 milliónir krónur.Tað er avkastið eisini.

Íløgur fyri 2,2 mia.

Feløgini gjørdu íløgur fyri 2,2 mia.kr. í 2024. Hetta er tað mesta seinastu fimm árini. 

Hetta gevur ábendingar um, at feløgini eru við at tillaga seg og økja um orkuna og/ella effektivitetin, sigur Januar.

Íløgufeløg, peningastovnar og tryggingarfeløg eru ikki við í greiningini.

Bakkafrost er heldur ikki við.

Bakkafrost er so stór fyritøka sammett við aðrar føroyskar fyritøkur, at sjálvt smáar broytingar í rakstrarligu gongdini hjá Bakkafrosti kunnu órógva samanberingar, sigur Januar.