- Tíðindi, mentan og ítróttur
Erna Solberg gevst sum forkvinna í februar
Erna Solberg gevst sum forkvinna í februar
Høgriflokkurin hevði stóra afturgongd á stórtingsvalinum fyrr í vikuni
Erna Solberg valkvøldið. Í februar leggur hon frá sær sum forkvinna í Høgraflokkinum.
Mynd: NTB/Ritzau Scanpix
12.09.2025 - 15:27
Forkvinnan í Høgraflokkinum í Noregi, Erna Solberg, leggur frá sær.
Tað boðaði hon frá á tíðindafundi seinnapartin.
Erna Solberg verður sitandi sum forkvinna til landsfundin hjá Høgraflokkinum, sum verður í februar næsta ár.
Hon hevur verið forkvinna síðani 2004 og var forsætisráðharri frá 2013 til 2021.
Høgri hevði stóra afturgongd á stórtingsvalinum fyrr í vikuni, og beinanvegin var gitt, at Erna Solberg fór at leggja frá sær.
Flokkurin fekk 14,6 prosent av atkvøðunum. Afturgongdin var 5,7 prosent.
Erna Solberg hevur verið limur í stórtinginum síðani 1986.
Sí videobrot frá NRK:
ERNA_SOLBERG
Er kopiera
Nýggjastu sendingar í ÚV
Nýggjastu sendingar í SV
