Alivinnan skal upplýsa fóðurprís fyri landsstýrinum

Alivinnan skal nú upplýsa fóðurprísin fyri landsstýrinum.

Uppskot um kunngerð er gjørt um tað. Heimildin er í lógini um tøkugjald.

Miðal fóðurprísin fyri hvørt kilo av laksi skal upplýsast.

Upplýsast skal, hvat rávøran og flutningurin til Føroya kosta.

Fóðurprísárið er frá 1. november til 31. oktober.

Upplýsingarnar um fóðurprísin skulu latast landsstýrinum í seinasta lagi 10. desember.

Upplýsingar um miðal fóðurprísir skulu nýtast til at prístalsviðgera ásetta miðal framleiðslukostnaðin.