Drona fleyg yvir fronskum herskipi í Havn

Dagført klokkan 12.20:

Løgreglan hevur funnið persónin, sum fleyg dronu yvir einum fronskum herskipi, ið lá á Havnini.
 

Mánakvøldið fekk politiið fráboðan um eina dronu frá franska herskipinum, sum lá í Havn.

Dronan fleyg yvir skipinum og uttan um tað í 20 minuttir.

Umborð hildu tey seg síggja tann, sum var dronuførari, við Landssjúkrahúsið. 

Har stóð eitt fólk í svørtum klæðum.

Dronuflúgvingin var um hálvgum átta tíðina mánakvøldið.

Politiið fekk fráboðanina klokkan tíggju mánakvøldið.

Herskip er hernaðarútgerð

Ikki er loyvt at brúka dronur við hernaðarútgerð ella herstøð.

Eitt herskip er at meta sum hernaðarútgerð, sigur politiið.

Politiið kannar málið. 

Tað sigur, at tann, sum fleyg við dronuni, er vælkomin at melda seg.

Talan var um eina lítla dronu.