Kirkjuráðið fingið loyvi at byggja nýggja kirkju á Glyvrum

Loyvi er nú givið til at byggja nýggja kirkju á Glyvrum.

Kirkjuráðið hevur fingið loyvið frá Eiriki í Jákupsstovu, landsstýrismanni.

Málið um nýggju kirkjuna er ikki nýtt. Tað byrjaði aftur tíðliga í 2017.

Tá var kostnaðurin mettur at vera 60 mió. kr., og kirkjan verður 1140 fermetrar. 

Frægast at byggja nýtt

Men longu í 2000 helt kirkjuráðið, sum var tá, at frægast var at byggja nýggja kirkju.

Ein arkitektakapping var í 2007, sum Árni Winther vann.

Runavíkar býráð gav byggiloyvi seint í 2024.

Gamla kirkjan á Glyvrum er frá 1927. Bygt var upp í hana í 1981.