Landsinnsavningin gav 1,3 milliónir

Reyði Krossur fekk 1,3 milliónir krónur inn í landsinnsavningini í ár.

Tað boðar felagið frá í tíðindaskrivi.

750.000 krónur verður latið til hjálpararbeiði í Afganistan eftir jarðskjálvtan har tann 31. august, har fleiri enn 1.100 fólk lótu lív. Peningurin verður brúktur til neyðhjálp og til endurmenningardeplar, har fólk fáa læknaliga og sálarliga hjálp.

Restin av innsavningini fer til arbeiðið hjá Reyða Krossi í Føroyum - millum annað mat- og klædnahjálp, vitjanartænastuna, samarittarnar og integratiónsarbeiði, ið stuðlar tilflytarum og flóttafólki at fóta sær í Føroyum.