Leita eftir manni undir illgruna fyri tveir harðskapstilburðir

Politiið leitar enn eftir einum manni, sum er undir illgruna fyri tveir harðskapstilburðir sunnukvøldið.

Málið byrjaði klokkan stívliga hálvgum tólv sunnukvøldið, tá politiið fekk fráboðan um ein mann, sum lá bløðandi og uttan vit í Sverrisgøtu í Havn.

Maðurin var ikki tá førur fyri at siga, hvat var hent.

Hann fór á Landssjúkrahúsið.

Politiið sigur nú, at talan er um harðskap. Maðurin er ikki dottin.

Og politiið veit eisini um annan møguligan harðsskapstilburð um somu tíð á sama staði.

Leitað hevur verið í nakrar dagar eftir manninum, sum er undir illgruna fyri báðar tilburðir.

Maðurin er føroyingur.