Landsstýrismaðurin: Klædna- og tilvirkisatstøði eru ikki førleikagevandi

Tvær útbúgvingar á Glasi, klædnaatstøði og tilvirkisatstøði, fara í søguna. Una Joensen, rektari á Glasi og Sarita Thomassen, fyrrverandi næmingur á klædnaatstøði, eru ósamdar, at útbúgvingarnar ikki eru førleikagevandi, sum er grundgevingin at niðurleggja tær. 

Djóni Nolsøe Joensen, landsstýrismaður í barna-og útbúgvingarmálum heldur fast við, at tær báðar útbúgvingarnar, klædnaatstøði og tilvirkisatstøði, ikki eru førleikagevandi. Hann vísir á, at næmingar enn hava møguleikan at fáast við tað handaliga á Skapandi fyrireikingarbreytini á Glasi ella á húsarhaldsskúlanum, Rótini, í Klaksvík.