Niðurteljing til at stovna tær eftirlønarkontu

Ein av hornasteinunum í nýggju eftirlønarlógini er, at tú skalt spara saman til egna eftirløn.

Men meira enn 3.000 føroyingar hava enn ikki fingið hesi viðurskifti í lag, skrivar TAKS í tíðindaskrivi. TAKS heitir á tey um at stovna sær eftirlønarkontu hjá góðkendum eftirlønarveitara fyri árslok.

Tí hevur tú ikki stovnað eftirlønarkontu fyri árslok, fært tú ikki løn útgoldna.

Niðurteljingin er byrjað

Stjórin á TAKS, Eyðun Mørkøre, mælir fólki til at fáa hetta avgreitt sum skjótast, tí, sum hann er endurgivin fyri at siga í tíðindaskrivinum:

- "Í jólamánaðinum hava tey flestu úr at gera, og tí er skilagott at fáa eftirlønarviðurskiftini í rættlag sum skjótast.  Í ár eru fáir yrkadagar millum jól og nýggjár. Frá 20. desember til nýggjárs eru bara tríggir yrkadagar í ár, so tey, ið ikki hava eina eftirlønarkontu, hava alla orsøk til at kvika sær."