Asfaltera av nýggjum við Húsareynstunnilin

Húsareynstunnilin verður stongdur frá klokkan sjey í morginári til sunnumorgunin klokkan sjey í sambandi við asfaltering. 

Tað snýr seg um einar 100 til 200 fermetrar við tunnilsmunnan við Sundsvegin, sum skulu asfalterast av nýggjum, sigur Jóannes Jensen, verkætlanarleiðari í Tórshavnar kommunu.  

Undirlagið var helst ikki nóg turt, tá tað var asfalterað upprunaliga, og tí er neyðugt at gera tað av nýggjum. Articon ger arbeiðið av nýggjum uttan rokning. 

Í sambandi við, at tunnilin er stongdur, verða eisini nakrar lúkur, sum manglaðu, tá tunnilin læt upp, settar upp inni í tunlinum. Tær skulu brúkast til eftirlit, sigur Jóannes Jensen.