Brúkaraumboðið ávarar aftur um Black Friday

Aftur í ár ávarar Brúkararaumboðið fólk móti Black Friday, svarta fríggjadegi.

Góð ráð eru at kanna, um vøran veruliga er niðursett og, hvussu nógv er at spara.

Fólk eiga eisini at kanna prísin í fleiri handlum.

Tey eiga at kanna, um heimasíðan, tey keypa frá, er verulig. Og fólk eiga at spyrja, um møguleiki er at fáa tilgóðarseðil ella peningin aftur, um tey angra keypið.

Góð ráð eru at goyma kvittanina.

Eiga at upplýsa undanprísin

Brúkaraumboðið hevur eisini góð ráð til teirra, sum selja.

Tey eiga at upplýsa undanprísin á vøruni, um nakar er.

Undanprísurin er lægsti prísurin, sum vøran hevur kostað tær síðstu fýra-seks vikurnar.

Og tey eiga at upplýsa, at nøgdin er avmarkað, er eftirspurningurin stórur.