- Tíðindi, mentan og ítróttur
Bátar í bólki 5B fáa ikki fleiri fiskidagar í ár
Bátar í bólki 5B fáa ikki fleiri fiskidagar í ár
Jóhan Christiansen, sum bert hevur fáar dagar eftir í landsstýrinum, fer ikki at gera eftir áheitanini frá løgtinginum
Eitt lógaruppskot er í tinginum, um at fiskidagar hjá bæði vinnuligum og ikki vinnuligum útróðrarbátum kunnu flytast til árið eftir. (Savnsmynd)
25.11.2025 - 09:01
Lítil útlit eru fyri, at bátar í bólki 5B fáa fleiri fiskidagar tað, sum er eftir av hesum árinum.
Í uppskoti til samtyktar hevur løgtingið heitt á Jóhan Christiansen, landsstýrismann í fiskivinnumálum, um at lata bólki 5B fleiri fiskidagar og at áseta eitt minstamark fyri, hvussu ein fiskidagur hjá bólkinum skal roknast.
Men sjálvur heldur landsstýrismaðurin, sum hevur eina viku eftir í Fiskimálaráðnum, ikki, at uppskotið er ein skilagóð loysn.
Jóhan Christiansen.
Aðrar ætlanir eru í politisku skipanini.
Í løtuni liggur eitt lógaruppskot í løgtinginum um broyta sjófeingislógina soleiðis, at óbrúktir fiskidagar hjá bólki 5 - og sostatt fiskidagar hjá bæði vinnuligum og ikki vinnuligum útróðrarbátum - kunnu flytast til árið eftir.
Hoyr innslag í útvarpstíðindunum:
25112025_Fiskidagar
Er kopiera
Nýggjastu sendingar í ÚV
Nýggjastu sendingar í SV
