Kommunur fáa heimild at seta vakmyndatól upp

Eitt tað seinasta, Bjarni Kárason Petersen gjørdi sum landsstýrismaður, var at koma í løgtingið við uppskoti um at loyva kommunum at seta upp vakmyndatól á serliga ábærum støðum í býarlívinum.

Tað ger hann, tí løgtingið samtykti uppskot til samtyktar um júst hetta.

Hesa heimild, at brúka vakmyndatól til at hava eftirlit við almennari ferðslu fyri at økja trygdina og fremja tryggleika, hava kommunurnar ikki í lógini um vakmyndatól.

Kommunur skulu hava samráð við politiið og hava tilmæli haðani, áðrenn tær seta upp vakmyndatól, sum lógarbroytingin umfatar.

Og upptøkur haðani kunnu bara latast politinum. Tær skulu strikast í seinasta lagi 30 dagar eftir upptøkuna.