Moskva bíðar eftir Washington

Moskva bíðar eftir fráboðan úr Washington eftir samráðingarnar millum USA og Russland fyrr í vikuni, upplýsir Kreml.

- Vit bíða nú eftir aftursvari frá amerikonsku starvsfeløgum okkara eftir samrøðurnar, vit høvdu týsdagin, sigur uttanríkispolitiski ráðgevin hjá Kreml, Yuri Ushakov, sambært almennu tíðindastovuni RIA.

Hann legði aftrat, at ongar ætlanir eru um telefonsamrøðu millum Vladimir Putin, forseta, og Donald Trump, forseta.

Og eingin nýggjur fundur er á skránni millum Russland og amerikanska sendimannin, Steve Witkoff, sambært Ushakov.

Teir báðir sendimenninir hjá Trump, Steve Witkoff og Jared Kushner, høvdu týsdagin ein næstan fimm tímar langan fund við Putin, Ushakov og russiska sendiharran Kirill Dmitriev í Moskva.