Norra og Týskland struku í hálvfinaluna - stórdystir í dag

Norra smurdi Montenegro av, meðan týskarar skúgvaðu Brasil til viks í HM-fjórðingsfinalunum í gjár. Í dag eru stórdystir millum Danmark og Frakland og Niðurlond og Ungarn

Danir fegnast, ungarar harmast. Danmark vann síðsta dystin í miðumfarinum á Ungarn við einum máli

Mynd: Thomas Traasdahl/Ritzau Scanpix

Símun Christian Olsen

10.12.2025 - 09:04

Norra og Týskland tryggjaðu sær pláss í HM-hálvfinalunum við tryggum sigrum á ávíkavist Montenegro og Brasil í gjár.

Norra hevði ongar trupulleikar av Ungarn frammanfyri nærum 1000 norskum fjepparum, sum skulu hyggja at Bodø/Glimt í Champions League í kvøld og møttu upp í Westfalenhalle í gulum blusum.

Henny Reistad gekk á odda hjá norðmonnum, sum vunnu 32-23. Týsku vertirnir vunnu eisini trygt á Brasil frammanfyri góðum 10.000 viðhaldsfólkum. Katharina Filter í týska málinum stóð enn ein góðan dyst, og Týskland tryggjaði sær hálvfinaluplássið við 30-23 sigri.

Stórdystir í dag

Tvær tær síðstu fjórðingsfinalurnar verða spældar í dag, og talan er um tveir spennandi dystir.

Hin fyrri verður ímillum Niðurlond og Ungarn. Niðurlond vann á Fraklandi í síðsta dystinum í miðumfarinum, meðan Ungarn bert tapti við einum máli fyri Danmark.

Seinni hálvfinalan er júst millum Danmark og Frakland, sum hava ligið støðugt millum fimm tey bestu liðini í heiminum í nógv ár.