- Tíðindi, mentan og ítróttur
Krevja eisini tænastugjald fyri tóm býli í Havn
Krevja eisini tænastugjald fyri tóm býli í Havn
Sambært Umhvørvisstovuni eru 477 tóm býli í Tórshavnar kommunum, og skotið verður upp, at tænastugjaldið verður okkurt um 6.200 kr. næsta ár
Mett verður, at tænastugjaldið fer at geva Tórshavnar kommunu millum tríggjar og seks milliónir um árið.
11.12.2025 - 10:38
Tórshavnar kommuna ætlar eisini at krevja tænastugjald fyri tóm býli.
Býráðið fer at viðgera uppskot um tað í dag.
Sambært uppskotinum er árligi miðalkostnaðurin fyri tóm býli seinastu fimm árini 68,4 mió. kr. Tað eru útreiðslur til renovasjón, vatnveiting, kloakkir og sløkkilið.
Tænastugjaldið verður, sambært uppskotinum, okkurt um 6.200 kr. næsta ár.
Sambært Umhvørvisstovuni eru 477 tóm býli í Tórshavnar kommunu.
Tekniska fyrisitingin hjá kommununi sigur, at 824 tóm býli eru.
Mett verður, at tænastugjaldið fer at geva Tórshavnar kommunu millum tríggjar og seks milliónir um árið.
Eitt tómt býli er býli, har eingin er skrásettur at búgva sambært Landsfólkayvirlitinum.
Er kopiera
Nýggjastu sendingar í ÚV
Nýggjastu sendingar í SV
