48 ára gamal rammusáttmáli brotin fyrstu ferð

Tað er brot á rammusáttmálan frá 1977, at Føroyar nokta skipum hjá tveimum russiskum reiðaríum atgongd til føroyskan sjógv.

Talan er um rættiliga nógv skip, sigur Russland.

Landið brúkar hálva aðru síðu í fiskirættindasáttmálanum, sum var gjørdur í gjár, til at mótmæla føroysku atgerðini.

Russland biður Føroyar taka aftur avgerðina um avmarkingarnar.

Hetta er fyrstu ferð, rammusáttmálin frá 1977 er brotin, sigur Russland.