Maduro fyri rættin í dag

Venesuelski forstin, Nicolas Maduro, skal fyri rættin í USA í dag, eftir at amerikanarar um vikuskiftið tóku hann fanga.

Donald Trump, forseti, segði í gjár, sambært Reuters tíðindastovuni, at hann kundi seta í verk eina atsókn aftrat, um Venesuela ikki samstarvar við USA í royndunum at lata upp landsins oljuvinnu og gevst við rúsevnahandli.

Hann hótti eisini við at fremja harnaðarligar atsóknir móti Kolumbia og Meksiko.

Amerikanski forsetin og herovastin, Dan Caine, greiddu á tíðindafundi í gjár frá gongdini, tá Maduro var tikin.

Forsetin og kona hansara vóru stødd á eini hernaðarstøð, tá tey vóru tikin. Hóast tey royndu at flýggja, eydnaðist hetta ikki. Tey vóru tikin og flogin við tyrlu, fyrst út á eitt herskip, og síðani umvegis Guantanamo á Kuba víðari til New York. 

Donald Trump og tíðindafundur um Venesuela

Seinnapartin leygardagin hildu Donald Trump, forseti, og fleiri ráðharrar í stjórnini tíðindafund um álopið á Venesuela. (Mynd: Reuters/Ritzau Scanpix)

Trump um Grønland

- Spyr meg aftur um Grønland um 20 dagar.

Tað segði Trump, forseti, millum annað við tíðindafólk, sum vóru við honum í flogfarinum, Air Force One

- Vit hava brúk fyri Grønlandi til strategisk áhugamál, segði hann og legði aftrat, at Danmark hevur fingið sær eina hundasletu aftrat, til tess at økja um trygdina.

- Júst nú eru kinesisk og russisk skip allasataðni í Grønlandi. Okkum tørvar Grønland at verja trygdina. Og Danmark megnar ikki ta uppgávuna, segði Trump, forseti.