Elmar rann hvønn einasta dag í 2025

Nýggjársaftan rann Elmar Ósá síðsta teinin av einum nýggjárslyfti, hann setti sær fyri í 2025 - at renna hvønn dag.  Hann megnaði at renna 3000 kilometrar, sum svarar til umleið 8,2 kilometrar um dagin.

Orsøkina finna vit eitt hálvt ár frammanundan. Í juni 2024 varð Elmar raktur av einum blóðproppi í hjartað. Fyri ein barnalækna, sum til dagligt starvast við heilsu og vælveru hjá øðrum, var hetta ein skelkandi áminning um sín egna deyðleika.

Tá valdi hann at gera nakað við støðuna. Hugurin at styrkja hjartað og endurvinna heilsuna gjørdist drívmegin til serstaka nýggjárslyftið. Hann skuldi renna hvønn dag í 2025.

Elmar hevur mert stóran mun við at fáa rættan kost, taka heilivág og at venja. Í dag hevur hann tað gott, men hann fer ikki at gevast við at renna. Hann fer framyvir at venja øðrvísi við bæði renning, súkkling og svímjing, men málið er framvegis at venja hvønn dag.