Andstøðuleiðari ætlar sær aftur til Venesuela

Andstøðuleiðarin í Venesuela, Maria Corina Machado, sum í desembur fekk friðarheiðursløn Nobels, vil fegin sleppa heimaftur sum skjótast.

Tað segði hon í einari samrøðu við amerikonsku sjónvarpsstøðina, Fox News.

- Eg ætli mær at fara heimaftur skjótast gjørligt, segði Machado í samrøðuni.

Andstøðuleiðarin hevur leingi livað í loyndum, tí stýrið hjá Nicolas Maduro, sum nú er tikin fangi, hótti hana.

Machado fekk friðarheiðurslønina við teirri grundgeving, at hon arbeiðir við at fáa demokratisk rættindi í lag fyri fólkið í Venesuela.

Donald Trump hevur tó víst aftur, at Machado kann gerast fyribils leiðari í Venesuela.

- Hon hevur hvørki stuðulin ella neyðugu virðingina, segði hann á tíðindafundi leygardagin.