- Tíðindi, mentan og ítróttur
Tavan í Leirvík byggir út
Tavan í Leirvík byggir út
Gulllaksavirkið, Tavan, í Leirvík hevur søkt um byggiloyvi til at seta eina hædd omaná bygningin, sum er í gerð
![](https://kvf.fo/sites/default/files/styles/grein-ovasta-mynd/public/tavan_i_leirvik.jpg?itok=_7jvjNq8)
Gulllaksavirkið Tavan í Leirvík
Mynd: eysturkommuna.fo
11.12.2013 - 13:34
Sambært umsóknini frá Tavuni, verður søkt um loyvi at seta eina hædd aftrat upp á bygningin, sum í løtuni verður bygdur.
Sambært gerðarbókini frá býráðsfundi 25. november 2013 í Eysturkommunu er arbeiðið at byggja eina hædd aftrat longu byrjað. Í gerðarbókini stendur: ".. Upplýst er, at hæddin verður ikki tikin í nýtslu fyrr enn heimild er til hetta. Grundin til hetta er eisini kostnaðurin í mun til eina fyribils takkonstruktión."
Býráðið samtykti, at Tava fær heimild at inniloka fyrstu hædd.
Tavan í Leirvík hevur virkað gullaks síðan 1994, og virkið arbeiðir gullaks um summarið og upsa um veturin.
Nýggjastu sendingar í ÚV
Nýggjastu sendingar í SV