Fíggjarmálaráðið tapti í Fasta Gerðarrætti

Fríggjadagin 29. november var úrskurðsfundur í Fasta Gerðarrætti um førleikaviðbøturnar hjá sjúkrarøtkarfrøðingum fyri leiðslu, sum Fíggjarmálaráðið hevði givið boð um skuldu takast aftur. Tað skrivar heimasíðan hjá føroyskum sjúkrarøktarfrøðingum.

Og í dag kom svarið frá Fasta Gerðarrættinum.

Fáa viðbótina útgoldna afturvirkandi

Niðurstøðan er greið: Fíggjarmálaráðið hevði ikki heimild at taka hesar førleikaviðbøtur.

Teir leiðarar, ið hava fingið frátikið førleikaviðbótina fyri leiðslu, skulu hava hesa viðbót útgoldna frá tí degi hon bleiv tikin.