Úr Víkingi til Vendsyssel

Ari Olsen hevur gjørt ein hálvt annað ára sáttmála við danska Vendsyssel FF, sum spælir í triðbestu deildini. Ari Olsen skiftir frá Víkingi, har hann hevur spælt seinastu seks árini. Høgri bakkurin hevur seinastu vikurnar verið til royndarvenjing í Vendsyssel.

- Ari Olsen hevur prógvað seg seinastu vikurnar. Venjaratoymið hevur serliga bitið merkið í at Ari er arbeiðssamur og viljusterkur. Tí vænta vit okkum nógv av hesi undirskriftini, sigur Jens Hammer Sørensen.

Ari Olsen er uppvaksin á Skála, áðrenn hann í 2020 skifti til Víking. 27 ára gamli høgri bakkurin fylgir nú fótasporunum hjá øðrum føroyskum spælarum. Brandur Hendriksson, Hallur Hansson, René Shaki Joensen og Meinhard E. Olsen eru millum teirra, sum hava spælt við Vendsyssel.

Liðið liggur nummar seks í 2. deild, sum er triðbesta deildin í Danmark. Venjari er Kim Engstrøm, fyrrverandi venjari hjá HB. Felagið hevur eisini gjørt sáttmála við Emil Grønn Pedersen, sum í fjør spældi við HB.