Viðmerkjarar: Nógv kann henda við triðju viðgerð

Hóast bæði uppskotið um at hækka pensjónsaldurin og uppskotið um at projektera Suðuroyartunnilin vóru samtykt við aðru viðgerð í gjár, kann nógv henda í dag og í morgin, tá bæði uppskotini skulu til triðju viðgerð. 

Tað siga politisku viðmerkjararnir Árni Gregersen og Jóhann Lützen, sum vóru í Breddanum fyrrapartin:

Og tað kann henda, at limir úr Javnaðarflokkinum atkvøða ímóti at hækka pensjónsaldurin við triðju viðgerð.

Tað er serliga atkvøðugreiðslan um pensjónsmálið, sum verður spennandi í morgin. 

Tí Jóhann Lützen og Árni Gregersen halda ikki, at nakar ivi um, at uppskotið um Suðuroyartunnilin verður samtykt:

Sambært skránni fyri tingfundin í morgin kemur uppskotið um at projektera og bjóða út Suðuroyartunnilin til triðju viðgerð, áðrenn uppskotið um at hækka pensjónsaldurin kemur til endaliga viðgera.

Á tingfundinum í gjár var raðfylgjan øðrvísi. Tá var fyrst atkvøtt um at hækka pensjónsaldurin, áðrenn málið um Suðuroyartunnilin kom til aðru viðgerð.