Minsta arbeiðsloysi var í Vágum

Í januar var arbeiðsloysið minst í Vágum.

Tað var bara hálvt prosent. Í januar í fjør var arbeiðsloysið í Vágum eitt prosent.

Í Suðuroynni var arbeiðsloysið tað størsta í landinum í januar. 

Tað var 1,6 prosent, sum eru 0,4 prosentstig størri enn í januar í fjør. 

Tað var 1,2 prosent í Suðurstreymi, eitt prosent í Sandoynni, 0,9 prosent í Norðstreymi, 0,7 prosent í Eysturoynni og 0,6 prosent í Norðsoyggjum.