- Tíðindi, mentan og ítróttur
Leyen: Mistak at venda kjarnorkuni bakið
Leyen: Mistak at venda kjarnorkuni bakið
Forkvinnan í ES-nevndini sigur, at ES fer at seta í verk skipan, sum hevur til endamáls at stuðla kjarnorkutøkni
Ursula von der Leyen, forkvinna í ES-nevndini, helt røðu á toppfundinum um kjarnorku í París í dag.
Mynd: Abdul Saboor/Reuters/Ritzau Scanpix
10.03.2026 - 13:40
Tað var eitt strategiskt mistak av Evropa at venda sivilari kjarnorku bakið.
Tað sigur Ursula von der Leyen, forkvinna í ES-nevndini, sambært norska kringvarpinum, NRK.
- Kjarnorka er ein álítandi og rímilig orkukelda við lítlum útláti, og tí var tað eitt mistak av Evropa at venda sær burtur frá hesari orkukelduni, segði ES-nevndarforkvinnan, tá hon setti toppfundin, sum snýr seg um kjarnorku sum orkukeldu.
Toppfundurin verður hildin í París í dag.
Ursula von der Leyen legði aftrat, at ES fer at seta í verk eina trygdarskipan uppá 200 milliónir evrur - tað svarar til slaka hálva aðru milliard krónur - við tí endamáli at stuðla íløgum í innovativa kjarnorkutøkni, skrivar NRK.
Er kopiera
Nýggjastu sendingar í ÚV
Nýggjastu sendingar í SV
