Frítekst tagging:
- Tíðindi, mentan og ítróttur
Viðmerkjari: Sjúrður Skaale tók øll á bóli
Viðmerkjari: Sjúrður Skaale tók øll á bóli
Høvuðsvalevnið hjá Javnaðarflokkinum hevur enduruppfunnið, hvat tað vil siga at vera fólkatingsumboð fyri Føroyar, sigur Jóhann Lützen, blaðstjóri og viðmerkjari
Sjúrður Skaale á fólkatingsvali í gjár. Hann gjørdi eitt óvanliga gott val.
Mynd: Bjarni Árting Rubeksen
25.03.2026 - 11:51
Sjúrður Skaale og Anna Falkenberg eru afturvald í fólkatingið - og tað við lít.
Tey fingu meira enn helvtina av atkvøðunum á valinum í gjár.
Sjúrður Skaale fekk 10.823 atkvøður, og Anna Falkenberg fekk 5.304 atkvøður.
Bæði tóku sítt egna atkvøðumet væl og virðiliga.
Jóhann Lützen. (Mynd: Bjarni Árting Rubeksen)
At Sjúrður Skaale persónliga hevur megnað at fáa fleiri enn triðju hvørja atkvøðu, sum varð avgreidd í gjár, kemur óvart á Jóhann Lützen, viðmerkjari og blaðstjóri á Norðlýsinum:
25032026_Johann_L
Anna Falkenberg. (Mynd: Bjarni Árting Rubeksen)
Árni Gregersen, viðmerkjari, heldur, at virðiskjakið um Ísrael og islam er ein av orsøkunum til, at Sjúrður Skaale tók atkvøðumetið og fekk yvir 10.000 atkvøður á ólkatingsvalinum í gjár:
25032026_Greg_
Framgongdin 15 prosent
Javnaðarflokkurin fekk næstan 45 prosent av atkvøðunum, sum er ein framgongd upp á meira enn 15 prosentstig.
Sambandsflokkurin fekk góð 25 prosent - ein afturgongd upp á góð seks prosentstig.
Triðflestar atkvøður fekk Fólkaflokkurin, sum fekk 15 prosent, og gekk eitt prosentstig aftur.
Tjóðveldi gekk góð fimm prosentstig aftur og fekk góð 13 prosent av atkvøðunum, meðan Miðflokkurin fekk hálvt annað prosent, sum er ein afturgongd upp á góð trý prosentstig.
Hvørki Sjálvstýri ella Framsókn stillaðu ikki upp til fólkatingsvalið.
Er kopiera
Nýggjastu sendingar í ÚV
Nýggjastu sendingar í SV
