Stórdystur og lutakast í Sarpugerði í kvøld

Í kvøld verður triðja royndin gjørd fáa dystin millum Víking og HB í Meistaradeildini við monnum spældan.

Hetta er seinasti dysturin úr 3. umfari, sum varð flutt vegna veður. Síðan varð dysturin útsettur einaferð afturat vegna veður, og tí verður hann ikki spældur fyrrenn nú. 

Veðrið í Norðragøtu er frálíkt í dag - turt og lítil vindur - so líkt er til at dysturin endiliga verður avgreiddur.

Vinnur HB leggur felagið seg fremst í bestu mansdeildini við fullum stigatali, meðan Víkingur skal royna at fáa sín fyrsta sigur í ár.

Lutakast til steypakappingarnar

Eftir dystin í Sarpugerði verður lutakast til steypakappingarnar hjá bæði kvinnum og monnum, skrivar Fótbóltssambandið.

Í kappingini um Løgmanssteypið hjá kvinnum verður kastað lut um, hvussu spælast skal í fyrsta umfari, og í kappingini um Løgmanssteypið hjá monnum veður kastað lut um, hvussu liðini møtast í fyrsta umfari og í fjórðingsfinalunum.

Sjey lið vera við í steypakappingini hjá kvinnum, meðan 16 lið vera við í steypakappingini hjá monnum.

Lutakastið verður víst beinleiðis á Rás 1 í Televarpinum.