Norðfinnur stendur fastur innanfyri grótkastið í Miðvági

Vestmannatrolarin Norðfinnur sigldi seg fyrrapartin fastan innanfyri grótkastið í Miðvági. 

Andreas Gaardlykke, vaktleiðari á MRCC, sigur, eingin vandi er á ferð. Tað er grunt har, og í løtuni er fjøra. Men hann stendur á sandi, so eingin vandi er á ferð.

Teir royndu sjálvir at fáa hann leysan, men tað eydnaðist ikki. Nú bíða teir eftir, at tað fløðir, og so verður Norðfinnur vónandi leystur aftur.

Reiðaríið Vesturbúgvin eigur Norðfinn.

Sí video, sum Uni Leitisstein Hansen hevur tikið