Býráðslimur: Sjálvmál at Havnin ikki søkti um stuðul til fótbóltshøll

- Tað er eitt sjálvmál, at meirilutin í Tórshavnar býráði ikki søkti Fótbóltssambandið um stuðul at byggja eina fótbóltshøll.

Tað sigur Tróndur Sigurðsson, sum situr í minnilutanum í býráðnum. 

Fyrr í ár bjóðaði Fótbóltssambandið øllum kommunum at søkja um stuðul til bygging av fótbóltshallum.

Fótbóltshøll í Sarpugerði, fótbóltshøll í Norðagøtu

Tríggjar umsóknir

Tríggjar ítøkiligar umsóknir komu, og eftir ætlan skulu fótbóltshallir nú byggjast í Norðragøtu, á Giljanesi og í Trongisvági.

- Høvuðsstaðarkommunan átti at bygt eina altjóða fótbóltshøll, sigur Tróndur Sigurðsson.

Í 2023 boðaði táverandi býráðsmeiriluti í Havn, sum Tróndur Sigurðsson eisini var partur av, frá, at ætlanir vóru um at byggja eina fótbóltshøll í sama umhvørvi sum stórhøllin við Tjarnir er.

- Og tað átti kommunan at arbeitt víðari við, sigur Tróndur Sigurðsson. 

Vit ætlaðu at fáa viðmerking frá Heidi Lava Elgeirsdóttir, forkvinnu í mentamálanevndini í Tórshavnar býráði, men tað lá ikki fyri hjá henni til tíðindasendingina á middegi.