Ferðafólkaskip geva nógv til kommunukassan og ferðavinnuna í Vestmanna

- Kommunukassin og ferðavinnan í Vestmanna fáa rættiliga nógv burturúr, tá ferðafólkaskip koma.

Tað sigur borgarstjórin, Sára Jógvansdóttir, nú fyrsta ferðafólkaskipið hetta summarið kom tíðliga í morgun.

Talan er um marglætisskipið Silver Endeavour. 200 ferðafólk eru við og manningartalið er 209.

Vestmanna Havn tekur móti skipum, sum vanliga hava millum 200 og 300 ferðafólk.

Í ár hava 12 ferðafólkaskip boðað frá, at tey koma til Vestmanna í summar og so nógv hava tey ongantíð verið fyrr.

Í fjør vóru tey átta og tvey í 2024.

Silver Endeavour fer av Vestmanna aftur seinnapartin.

Hoyr innslag í útvarpstíðindunum