Pedagogfelagið bíðar eftir samráðingartørni

Føroya Pedagogfelag bíðar eftir tørni at sleppa til samráðingarborðið um nýggjan sáttmála.

- Vit hava havt óformligar fundir við Kommunala arbeiðsgevarafelagið og lønardeildina í Fíggjarmálaráðnum, har vit hava viðgjørt, hvat kundi verið áhugavert at arbeitt við í sambandi við samráðingarnar. Men vit hava ikki handað krøvini enn, sigur Sanna á Løgmansbø, forkvinna í Føroya Pedagogfelagi.

Pedagogelagið er ikki partur av avtaluni um lønarkarmin, sum 12 fakfeløg og Fíggjarmálaráðið hava gjørt. Men felagið hevur einki ímóti karminum, sum ásetur 3,87 prosent í lønarvøkstri, frá 1. oktober í fjør til 30 september í ár.

Sanna á Løgmansbø ivast í, um samráðingarnar við KAF og Fíggjarmálaráðið byrja hesumegin summartíðina. 

Hoyr innslag í útvarpstíðindunum: