Ulla Joensen nýggjur nevndarlimur í Arbeiðsgevarafelagnum

Ulla Joensen var vald í nevndina hjá Føroya Arbeiðsgevarafelag á aðalfundinum í gjár.

Tað skrivar Vinnuhúsið í tíðindaskrivi.

Fróði Magnussen, Jens Meinhard Rasmussen og Kristoffur Laksá stóðu fyri vali til nevndina. Fróði Magnussen tók ikki við afturvali, og Ulla Joensen var vald í hansara stað. Jens Meinhard Rasmussen og Krisoffur Laksá vóru afturvaldir.

Trý høvuðstilmæli

Ársfrágreiðingin var eisini løgd fram á fundinum.

Føroya Arbeiðsgevarafelag leggur dent á trý høvuðstilmæli: At fáa fleiri ung at velja Føroyar, at tryggja støðugar og kappingarførar vinnukarmar og at raðfesta vinnuvendar útbúgvingar hægri.

Felagið vísir á, at hesi trý økini eru avgerandi fyri arbeiðsmegi, kappingarføri og framtíðar menningina í Føroyum.