Málið um valsvik í Oyndarfirði: Eisini fríkendur í landsrættinum

Maðurin, sum hevur verið ákærdur fyri at hava framt valsvik á kommunuvalinum í Oyndarfirði í 2024, er eisini fríkendur í landsrættinum.

Dómararnir í Eystara landsrætti vóru samdir um, at ákæruvaldið kundi ikki lyfta próvbyrðuna, og tí var dómurin í Føroya rætti staðfestur. 

Sostatt endar málið, tí ákæruvaldið sleppur ikki í hægstarætt við máli av slíkum slag, ásannar høvuðsákærin, Katrin Thorsvig Hansen, sum annars onga viðmerking hevur til dómin.

Ákærdi maðurin fegnast um eisini at vera fríkendur í landsrættinum, men hevur í løtuni ikki fleiri viðmerkingar.