Skíggjanýtsla: Politiski myndugleikin má uppí

Ráðgeving er ikki nóg mikið, heldur Lillian B. Poulsen, heilsufrøðingur og varaleiðari á Gigni, sum sjálv hevur upplivað avleiðingar av skíggjanýtslu hjá barni

Tá ið ræður um børn og skíggjanýtslu, má politiski myndugleikin uppí, heldur varaleiðarin á Gigni. (Savnsmynd)

Hansa Hansen

24.06.2026 - 18:00

Tað er ómøguligt hjá foreldrum at avmarka skíggjanýtsluna hjá børnum. Tí má politiski myndugleikin uppí.

Tað sigur Lillian B. Poulsen, heilsufrøðingur og varaleiðari á Gigni.

Gigni

Í sínum arbeiði sum heilsufrøðingur er hon við til at ráðgeva familjum um skíggjanýtslu teir fyrstu 18 mánaðirnar í lívinum hjá barninum. Hendan ráðgevingin er tó ikki nóg mikið, heldur hon.

Í sínum persónliga lívi hevur Lillian B. Poulsen eisini upplivað, hvussu ov nógv skíggjanýtsla kann ávirka málførleikan hjá barninum.

Hoyr innslag í útvarpstíðindunum:

24062026_Lillian

Í sambandi við, at fleiri fakfólk nú vísa á, at málførleikin hjá okkara børnum versnar, greiddi Gitti Klein, sálarfrøðingur, í tíðindasendingini á døgurða frá, hvussu álvarsligar avleiðingarnar av ov nógvari skíggjanýtslu kunnu vera:

24062026_Gitte