Óvanligt stig at basa rottu

Fólk vera nú biðin um ikki at geva dunnunum við Toftavatn.

Runavíkar kommuna eigur áheitanina.

Ikki, tí kommunan vil sleppa av við dunnurnar, men tað, sum dunnurnar og aðrir fuglar fáa, dregur rottu at sær.

Síðani Runavíkar kommuna byrjaði at skrásetta fráboðanir um rottu, hevur hon staðfest nøkur støð, sum áhaldandi hava avbjóðingar. 

Tey støðini eru við skúlan við Løkin og við Toftavatn. 

Her liva rotturnar sera væl, sigur kommunan.

Tað er ikki freistandi hjá teimum at fara í rottukassarnar at eta eitur, tá tær eta so nógv annað, sum er ætlað dunnum og øðrum fuglum, sigur kommunan.