Ósamsvar millum ES og ríkisfelagsskapin um hval

Danska stjórnin veit um serligu fyrilitini, sum skulu takast til hvalaveiðuna hjá londunum í ríkisfelagsskapinum.

Men stjórnin tekur eisini undir við sjónarmiðinum hjá ES-nevndini um at verja hval fyri óforsvarligari veiðu. 

Stjórnin tekur tó burðardygga hvalaveiðu í álvara.

Samsvar er ikki millum áhugamálini hjá ríkisfelagskapinum og uppskotið hjá ES-nevndini til altjóða hvalaveiðunevndina.

Tað sigur Lars Løkke Rasmussen, uttanríkisráðharri, í uppriti til evropanevndina hjá fólkatinginum.