Ísrael vrakar uppskotið hjá Trump

Ísrael vrakar uppskotið til frið í Gasa, sum amerikanski forsetin, Donald Trump, hevur skotið upp.

Tað sigur ísraelski forsætisráðharrin, Benjamin Netanyahu, á stjórnarfundi í dag, skrivar Reuters. Hann sigur, at ísraelski herurin gevst ikki, fyrr enn Hamas er fullkomiliga avvápnað.

Sonevnda Friðarráðið, sum amerikanski forsetin hevur sett, gjørdi uppskotið, sum er í fimtan stigum. Í farna mánað boðaði Trump, forseti, annars frá, at avtala var gjørd við Hamas um at avvápna yvirgangsfelagsskapin í Gasa, skrivar bretska kringvarpið, BBC.

Tá segði Benjamin Netanyahu, forsætisráðharri, at ísraelski herurin fer ikki at taka seg úr Gasa, fyrr enn Hamas er avvápnað.