- Tíðindi, mentan og ítróttur
Fólkið hevur talað og stjórnin virðir avgerðina
Fólkið hevur talað og stjórnin virðir avgerðina
Á tíðindafundi í Hørpuni í Reykjavík legði Kristrún Frostadóttir dent á, at nú skal íslendska tjóðin hyggja frameftir, í felag
Mathias Dimon Næs
Kristrún Frostadóttir, forsætisráðfrú, Ísland
30.08.2026 - 20:15
Tað er veruliga eitt tekin um, hvat tað er fyri tíð, ið vit liva í, at hetta málið hevur fingið so stóran áhuga frá tykkum, segði forsætisráðfrúan við útlendsku fjølmiðlarnar.
Hon legði tó dent á, at fyri íslendsku stjórnina og íslendska fólkið var fólkaatkvøðan 29. august eitt innanhýsis mál, sum millum annað snýr seg um gerandisdagin hjá íslendingum.
Hendan tíðin hevur gjørt okkum sterkari, segði Kristrún Frostadóttir.
Vit hava kjakast uttan íhald, og vit hava sagt okkara meiningar um eitt nú útjaðaran í mun til miðstaðin, um gjaldoyra og prísvøkstur, um fiskivinnu og landbúnað og um uttanríkispolitikk og framtíðina hjá okkara ungu.
Hon vísti á, at stjórnin í samgonguskjalinum lovaði fólkinum eina fólkaatkvøðu.
-Hetta lyftið hava vit hildið, og fólkaatkvøðan er nú av. Fólkið hevur talað, stjórnin hevur lurtað, og nú fara vit víðari saman, segði hon.
Íslendska forsætisráðfrúan gjørdi tað eisini púra greitt, at ætlanirnar um at samráðast við ES um limaskap, nú verða lagdar á hillina.
Hoyr Siggu Blöndal, stjórnmálafrøðing taka samanum tá valstøðini lótu aftur
Er kopiera
Nýggjastu sendingar í ÚV
Nýggjastu sendingar í SV
