Nú búgva 55.726 fólk í Føroyum

Tann 1. august búðu 55.726 fólk í Føroyum. 

Tað eru 769 fleiri enn 1. august í fjør. Vøksturin er 1,4 prosent, skrivar Hagstovan.

Nærum tríggir fjórðingar av fólkavøkstrinum komu frá nettoflytingini.

Fólkatal

Vøksturin var trífalt so stórur sum í undanfarnu tólv mánaðunum tað er frá 2024 til 2025.

Ferð er nu komin aftur á fólkavøksturin eftir lutfalsliga lítlan vøkstur í góð tvey ár. 

Burðaravlopið er eisini vorðið størri.