ES-forkvinnan: Neyðblussið var álop á øll ES-lond

Forkvinnan í ES-nevndini, Ursula von der Leyen, sigur, at neyðblussið, sum ein russisk fregatt skeyt eftir einari danskari tyrlu í altjóða sjógvi, er at meta sum álop á øll ES-lond.

- Friðurin er hóttur. Russiska álopskríggið á Ukraina heldur fram við fullari ferð, og samstundis eru alt fleiri hóttanir móti okkum. Tað hava vit sæð seinastu dagarnar í Danmark, Litava og Póllandi, segði Ursula von der Leyen í røðu fyri ES-tinginum fyrrapartin.

- Eitt russiskt álop á evropeiskari jørð, ikki bara móti einum limalandi, men móti øllum samveldinum, segði forkvinnan í ES-tinginum. 

Hon mælti til at skipa eitt evropeiskt trygdarráð, har eitt nú Ukraina og Kanada eisini eru við.