- Tíðindi, mentan og ítróttur
Ov stutt freist fyri panting
Ov stutt freist fyri panting
Fíggjarmálaráðið skjýtur upp, at freistin skal vera sjey dagar, men Vinnuhúsið heldur, at tað er ov stutt
Vinnuhúsið ger eisini vart við, at uppskotið tekur eisini burtur formlig stig, áðrenn panting er.
24.09.2026 - 08:18
Vinnuhúsið heldur, at sjey daga freistin, áðrenn panting kann fremjast, er í so stutt.
Freistin er í einum lógaruppskoti, sum Vinnuhúsið hevur fingið til hoyringar frá Fíggjarmálaráðnum.
Lógaruppskotið er um, hvussu tað almenna skal krevja inn krøv og rokna rentu.
Vinnuhúsið ger vart við, at uppskotið tekur eisini burtur formlig stig, áðrenn panting er.
Tað kann gera, at um ein fyritøka av misgáum ikki hevur varnast eitt krav, ella eina gjaldsfreist, kann panting fremjast uttan serliga fráboðan.
Tað er bara Danmark sum hevur eina so stutta freist fyri panting, sigur Vinnuhúsið.
Onnur Norðurlond hava krøv, sum skulu fylgjast, áðrenn panting kann fremjast.
Er kopiera
Nýggjastu sendingar í ÚV
Nýggjastu sendingar í SV
