Manningin fingið virðisløn fyri at bera skjótt og rætt at

Manningin á íslendska uppsjóvarskipinum Barða hevur fingið virðisløn fyri at bera skjótt og rætt at, tá eldur kom í skipið 12. juni.

Skiparin, Theodór Elvar Haraldsson, fekk virðisløn sum framúr góður skipari.

Eldurin kyknaði í maskinrúminum.

Barði var tá norðan fyri Føroyar á veg til Íslands úr Føroyum, har maskinan júst var dagførd

Skipið var uttan maskinorku í tríggjar tímar, til Brimil kom og sleipaði Barð til Havnar.

Verður umvældur í Havn

Har hevur skipið ligið síðani. Skaðin verður nú umvældur í Havn.

Eingin fólkaskaði stóðst av eldinum.

Virðislønin var latin á fiskivinnu- og alivinnuframsýningini IceFish 2026.

Skiparin sigur, at hendingin vísir, hvussu neyðug trygdarvenjingin er.

Hvør maður veit, hvat hann skal gera, kemur eldur í.