29 fingu sekkin tá fiskabollarnir hvurvu

Fiskabollar selja ikki nóg nógv longur, tí mistu 29 fólk starvið á verksmiðju.

Norðmenn vilja heldur hava sushi, enn fiskabollar og frikadellur. Hetta kostaði 29 fólkum arbeiði hjá Enghav í Haugesund.

05.08.2012 - 07:18

<div>Í áravís gav framleiðslan av fiskabollum undirskot hjá Enghav í Haugesund. Nú eru tey givin at framleiða fiskabollar, og eru í staðin farin undir at framleiða sushi.</div><div><br></div><div>Tað er norska blaðið Dagens Næringsliv sum skrivar hettar. Roknskapartølini hava í fleiri ár verið vánalig, men nú hevur leiðslan gjørt av at gevast við millum annað framleiðsluni av fiskabollum og frikadellum, ið annars hevur verið ein berandi partur av fyritøkuni gjøgnum nógv ár. Men nú vilja norðmenn ikki eta fiskabollar, nú er tað sushi sum er galdandi.</div><div><br></div><div>29 fólk gjørdust arbeiðsleys tá fyritøkan broytti framleiðslurnar, og roynir at finna kundarnar aftur við sushi og sokallaðum "Sea fraiche"-framleiðslum.</div><div><br></div><div><br></div><div><div class="font_lesmer_ingress" align="left"><br></div></div>